Diahuebs, 9 di december tabata un dia historico di Aruba, caminda cu gobierno di Aruba a firma un acuerdo pa loke ta WEB Aruba NV y Eagle LNG.
E firmamento a tuma na Nicolaas Store, caminda cu tabatin varios minister presente, hunto cu varios parlamentario cu tabat’ey pa asina duna sosten na e dia aki.
Hunto cu e ministernan tabat’ey presente, e delegadonan di San Nicolas Business Association como tambe e consul interino Mericano tabat’ey na Aruba p’e firmamento di e acuerdo aki.
Segun minister Glenbert Croes, e hecho aki tabata un acto ceremonial cu ta uno historico na un luga historico.
E ta comenta cu ora mira e caminda largo cu a cana den henter e esfuerso di diferente gobierno pa introduci un energia mas limpi pa Aruba finalmente e dia a yega unda cu e ehecucion di e proyecto aki door di Eagle LNG, caminda nan a firma un ‘Gas Supply Agreement’ cu WEB Aruba NV.
Awo Eagle LNG lo cuminsa negosha cu RDA p’e luga designa pa realisa un infrastructura di e facilidad aki pa ricibi LNG y tambe pa distribui na entre otro pa WEB.
Minister Croes, encarga cu energia, a comenta di ta apoya e proyecto aki totalmente, mirando e historia di diferente esfuerso haci den pasado.
Pa un cobertura mas amplio lesa e edicion di TREMPAN di mañan.
