Diasabra anochi alrededor di 9:00pm a bati alarma p’un auto cu a accidenta den e area di Calabas. Esaki a sosode den un caminda di santo scur cu ta conecta cu Kudawecha. Ta trata di un Nissan March color blanco numera, A-66802 cu a perde control y kentel.
Na yegada di polis, no a topa cu ningun hende, e auto pa su cuenta cu dos wiel den laira. Un rato despues un grupo di hende a yega na sitio cu man na cabes y spanta. A conta cu a fia un ruman homber e auto pa bay cumpra aros pero nunca mas a bolbe.
E ruman a bandona sitio y keda sin informa su famia cu e ta envolvi den un accidente. E motibo exacto con e accidente a tuma luga no ta conoci, no sa si a bay hala p’un bestia y perde control, investigacion lo saca afo kico exacto a pasa.
