Un rato pasa alrededor di 3:00 pm a sosode un boksmento basta fuerte den e bocht skerpi na Sabana Blanco. Aki ta caminda cu un auto marca Hyundai modelo i10 color cora kima, numera A-60749 tabata biniendo for di direccion di Emco y un Toyota Hilux numera A-25058 for di direccion contrario.
Un partido a conta cu, e otro auto a tuma e bocht mucho grandi y dal den dje. E impacto tabata asina fuerte cu despues di e boksmento, e pickup a bay dal den cura di e edificio di Elmar. E chauffeur di e Hyundai a resulta levemente herida. Ambulance a presenta p’asina brind’e atencion medico na sitio. Polis y personal di Forensys a documenta e accidente aki. Daño material tabata basta.
