Diaranson anochi a tuma luga entregamento di trofeo na e ganadonan di e campeonato abierto di Club di Dam Arowak pa aña 2021.
E campeonato a tuma luga den e periodo di 16 juni te cu 8 september. Tabatin 14 participante.
Na prome luga a termina Annelaine Jacobs cu un score di 20 punto (8 gana, 4 tabla y 1 perdi).
Na segundo luga tabatin un empate entre Ricky Nisbet y Delbert Alexander. Ambos a termina cu 19 punto. Ricky a gana mas wega cu e hungadonan fuerte y a keda na segundo luga. Delbert na tercer luga.
Dia 15 di september a start e siguiente torneo cu ta e torneo legacy na memoria di e hungadonan grandi cu ya a bay laga nos.
E standing despues di tres buelta ta Mario Jansen y Annelaine cu 5 punto, Octavio y Ricky cu 4 punto. Despues ta sigui cu 3 punto Ricardo, Hector, Delbert y Chester.
Diaranson 13 di october e torneo lo sigui cu e di cuater buelta.
Na e prome mesa Mario Jansen lo enfrenta Annelaine Jacobs. Ricky Nisbet contra Octavio Croes, Ricardo Wever contra Rolin Croes, Chester Berkel contra Hector Winterdal, Daniel Diaz contra Delbert Alexander y Elogio Croes contra Eugenio Filiciana.
Wega lo start pa 7:00 pm en punto den e club situa den Nieuwstraat 11.
