Despues di e conferencia di prensa, unda cu directora di Departamento di Impuesto a anuncia e dianan cu publico en general por bin busca nan plachi di number, a haci entrega oficial di e prome plachinan di number na tanto prome minister, Evelyn Wever-Croes, como minister di finanzas, Xiomara Ruiz-Maduro.
Naturalmente a sigui e proceso di control di seguro y mira si tur cos ta na ordo, pa despues entrega e plachinan den un forma oficial. Den e proximo dianan, segun e dianan di pago haci, publico por bin busca nan plachinan di number, entrante mañan dia 9 di Januari.