A entrega curpa di militarnan Christine Martens y Erwin Warnies na famia

4308

Militarnan a despedi di nan colega Christine Martens y Erwin Warnies, kendenan a fayece diadomingo na momento cu e helicopter a cay den lama. Awe merdia, ora di Hulanda, e curpanan a yega base militar na Eindhoven. Despues di un ceremonia e famianan a ricibi e curpanan.

A conta cu presencia Minister di Defensa Ank Bijleveld, staatssecretaris di Defensa Barbara Visser, Comandante der Strijdkrachten Rob Bauer y Presidente di Parlamento Khadija Arib na e ceremonia. Durante e ceremonia e militarnan a haci un saludo final pa Martens y Warnies.

Inspectie Veiligheid Defensie y Onderzoeksraad voor Veiligheid ta investiga kico ta motibo di e crash. Marechaussee ta yuda den e investigacion. Prome cu e helicopter a zink, a haya e caha preto, e ta den bon condicion. Uzo di e helicopternan NH90 ta para te ora termina e investigacion di e accidente.