Diaranson den oranan laat di atardi Polis ta detene e sra Lisette Z.D., pa kende tabatin un orden di detencion. Polisnan tabata busca e señora aki di 54 aña, biba na Pos Chiquito, pa un supuesto caso di menasa y maltrato.
E persona aki, kende tin un caracter basta fuerte, algun dia pasa caba su nomber tabata wordo menciona pa un problema cu el a haya cu un otro señora banda di hotel.
Ta parce cu denuncia a wordo haci contra dje y pa cual Polisnan a saca un orden di detencion. El a keda deteni net ora cu e tabata trahando, como taxista, na aeropuerto.