A detene Taxista cu a bringa den “playground” di Pizza Hut

Diasabra 9:45pm a pidi pa asistencia di Polis na Pizza Hut riba Sasakiweg pa un pelea. Testigonan a conta cu un homber a bringa cu yen di hende pareu den e playground, dilanti tur e muchanan eyden. A reina un situacion di panico den e restaurant di cumindanan rapido.

Na yegada di Polis a topa e conocido Chucho Croes di Taxi 418. E ta conoci pa ta bouncer na clubnan nocturno y ta bodyguard di Partido POR. E tabata hopi agresivo, pa cual a detene mesora na e sitio y a transport’e pa Warda di Polis.

Su famia sinembargo a declara na nos eynan cu un hende lo a mishi cu yiu muhe di e Taxista/Bodyguard, cu a pone rabia y bringa cu tur hende den e restaurant.

E caso ta bou investigacion di Polis pa determina dicon e caso severo aki di maltrato den luga publico. Declaracion di testigonan lo ta clave awor den e investigacion aki, den cual ta sospecha e Taxista y Bodyguard di maltrato.

Comments

comments