Haciendo control riba nos careteranan manera riba Watty Vos Boulevard ta continua. A presenta un situacion caminda diasabra mainta, wardando takelwagen pa hiba un auto confisca, a topa cu un auto di marca Nissan, haciendo e trabao di taxi pirata.
Ta un Nissan Sentra mal bati, numera A-19168 y cu su pasahero sinta patras den auto. Polis a logra para e vehiculo aki despues di a bay su tras mesora.
Chauffeur aparentemente ta conoci pa haci su trabao di taxi pirata y ta motibo cu a sali su tras mesora rib’e caminda principal y ta logra par’e tambe na dado momento, un poco mas prome cu yega e ‘paperclip rotonde’.
Polis a tuma declaracion di e pasahero. A detene e chauffeur pa su hecho y despues a hib’e warda pa duna cuenta di haci trabao di transporte ilegal.
