Awe Diamars pa 10:16am a detene dos homber sospechoso na altura di ex Millennium Palm Beach. Nan tabata sinta den un auto marca Suzuki, modelo Liana color shinishi. Polis ta sospecha cu e duo aki lo tabatin intencion di comete un atraco den e area turistico.
Un di e sospechosonan posiblemente ta envolvi den e caso di intento di violacion di dia 3 di januari den oranan tempran di mainta na altura di ex Bushiri Hotel.
E di dos sospechoso deteni ta posiblemente envolvi den e caso di atraco cu a tuma luga dia 23 di december aña pasa na Plug and Play.
Ambos caso ta bao investigacion y no ta descarta cu mas detencion lo por cay. Polis ta pidi tur esunnan cu tin mas informacion, pa por fabor yama tiplijn di Polis na 11141.
