Awe marduga net prome cu 2:00am polis a presenta na Koyari 36. Doño di e cas a bisa polis cu tin un persona ta cana den su cura y ta haci movecionnan straño. Ta parce hende cu ta loer den casnan cu intencion di horta.
Mesora polis a presenta na e sitio y a topa cu e homber sospechoso y a deten’e. E habitante a bisa polis cu via camara di siguridad a logra mira e homber.
Polis a hib’e ward’i polis na Noord pa por present’e dilanti un Fiscal Auxiliar cu tin den su man e decision riba su libertad of no. Habitantenan ta birando dia pa dia mas atento pa e tipo di individuonan asina cu tin plannan menos bon.
