Bisiñanan den vecindario a bati alarma dialuna anochi na momento cu nan a sinti molester fuerte di huma di candela. A tuma nota di un candela grandi den Fiyostraat situa net patras di Royal Funeral Home na Cumana.
Polis a yega prome na sitio y mesora a detene un persona cu tabata hopi cerca e candela. No por asumi cu e tin di haber pero sigur su presencia na sitio tabata hopi sospechoso. Banda di esey, el a kibra regla di TDQ cu automaticamente ta haci’e un sospechoso.
Mientrastanto unidad di Bombero a yega na sitio pa combati e candela cu cada rato tabata menasa di expande. E candela intencionalmente cendi ta bira e di dos intento na e mesun sitio. Algun siman atras por corda cu a cende un trailer na candela cu tambe tabata un acto intencional.
Autoridad ainda no a duna di conoce si acaso tin un persona y/o mas persona sospechoso responsabel pa e acto aki cu sigur a bira preocupante pa esnan den vecindario.