E agente policial Chariselle “Charri” Maduro, cu pa casualidad a haci aña awe, enbes di haya regalo, a haya bishita di Landsrecherche trempan, cu a detene bou sospecho di tin arma of municion extra cu no ta esun oficial di Polis of di lo a horta arma. Un acusacion serio contra un agente hoben, cu te awe tin un record intachabel.
Cuerpo Policial a informa cu awe den oranan di mainta a detene e agente policial sospecha di “Verduistering” y articulo 3 di “Vuurwapen Verordening“ di nos codigo penal. A bisa e Polis su derechonan y a cuminsa e proceso pa interog’e. Den caso cu no keda cla of si e investigacion ta rekeri, lo encarcel’e tambe.
Den seno di Polisnan e noticia aki a bin di sorpresa. E hoben Polis nunca a duna indicacion di tin problema cu integridad. Hopi ta hasta pensa cu mester ta un mal comprendimento of informacion robes suministra pa hink’e den problema. Claro cu awor e investigacion lo mester prueba su inocencia of su culpabilidad.
