Diadomingo atardi laat a sosode un accidente cu hende herida riba e caya Juan Werleman na Santa Cruz. Un motocilista bayendo direccion pariba a dal den un auto cu a lora su dilanti. Esaki a sosode banda di e crusada pa bay Cadushi Largo. E motociclista tabata levemente herida. Asina mes el a busca manera di bandona e sitio na pia.
Un polis na civil a evita esaki y mustra cu e no por bay. Ora Polis a yega y tambe ambulance a atende cune. Despues di un control medico no tabata necesario pa e bay Hospital. A resulta cu e motociclista ta un stranhero y no por a mustra papelnan pa confirma su legalidad na Aruba. A base di esey a detene. A bay warda pa asina Guarda Nos Costa sigui cu e proceso mas leu. A confisca e brommer. Polis di trafico a atende e accidente tambe.