Un homber fam M a keda deteni pa Polis. Tur cos a cuminsa ora un dama a drenta warda di Polis na careda avisando cu su ex a yega cas y bolter paña etc di e yiu benta riba caminda.
E dama a core pa asina evita golpi. Polis a core sali di warda y bay den Zuidstraat. Eynan a topa cu maleta y paña benta pafo. E homber M a bay caba. Polis a haya sa cu e ta coriendo den un March color beige cu plachi A-57214 pega patras y dilanti e tabata tin un plachi V-4338.
Polis a bay na un adres den Hanvenstraat y tambe Consuelostraat pa busca su drechi. No a topa cu e auto y tampoco e sospechoso. Despues Polis a bay na un adres den Professor Lorentzstraat pa un grupo conoci pa Polis ta bebe den cura. Un di nan parce tabata di celebracion y hunto desde diabierna anochi nan tabata bebe. Polis a sigui nan tambe riba FB con nan tabata post nan cosnan riba trip den cura.
Banda di 12or di merdia cinco unidad a prepara pa bay kibra e trip den cura y den pleno solo cayente. Polis a baha y atende cu nan. A cuminsa na core cu e amigonan manda nan paden. A kibra e samenscholing den cura na porta di garage. Djey a atende cu M cu tabata ser busca.
Na warda e drenta informacion cu e ex lo kier entrega keho. A base di esey a cuminsa na detene M pa ocasiona problema y core auto bou influencia. Mas despues lo sigui wak kico subfiscal ta dicidi y si e ex lo entrega un keho contra e homber cu a pone pidi auxilio na careda den warda di Polis na Playa. E Nissan March cu dos diferente plachi number tambe a keda confisca pa autoridad. A bay cu e auto warda pasobra el a purba pasa e auto tambe riba e dama. E auto el a uza como un arma. Investigacion awor mester bay mustra te unda lo yega cu e caso cu na prome instante ta mustra basta serio.
