A detene homber di 23 aña sospecha di tira den Dr Schaepmanstraat

Diaranson mainta recherche na San Nicolas a haci un detencion. E team di recherche haciendo investigacion riba un caso di tiramento a yega na un adres den Weg Rooi Congo.

Eynan a haya e homber A  Semeleer di 23 aña. E tabata kedando of tabata sconde na dicho adres. E ta sospecha di a los tiro dia 13 di July riba un cas den Dr Schaepmanstraat. Si Polis a logra haya e sospechoso y haya autorizacion pa detencion, ta pasobra nan tabata tin suficiente evidencia pa convence Ministerio Publico. No a haya e arma durante listramento. No a haci uso di team di aresto manera otro casonan caminda tin peliger di arma di candela.

Despues di detencion a hiba e sospechoso den un auto di Polis mes pa warda. E investigacion ta continua y no ta descarta mas detencion.