Awe tardi lat pa 6:30pm a detene un homber na altura di Tio Pepe Bar & Restaurant na Pos Chikito, sospecha di ta menasa hende cu cuchiu. Dos unidad di Polis, specificamente Polisnan canino K-9 cu tabata den vecindario a yega mesora riba e sospechoso y na un forma tactico a stabilis’e, pone na tera y a pidi pa un transporte special bin busk’e pa por hib’e Ward’i Polis.
Bisiñanan a bisa cu e homber tabata cana basta rato cu cuchiu den man ta zwaai y menasa tur bende cu pasa eybanda. Ta parce cu su cabes no ta mucho bon awe, pero como cu hende cu no conoce ta spanta, a avisa Polis mesora. Pa evita cu e ta sigui stroba e paz den bario, a deten’e y hib’e Ward’i Polis pa atende cu ne riba su comportacion.
