A detene homber coriendo auto sin rijbewijs

Na Aruba tin hopi local y no local coriendo cu auto y sin rijbewijs. Esaki no mag. E ta castigable y hasta por costa bo libertad.

Dialuna mainta banda di 10or un chauffeur a keda deteni. Durante e control di Polis pabou di Refresqueria Mayor den Koningstraat, un auto Lancer A-20196 a haya instruccion pa stop. E chauffeur durante control no por a prueba un rijbewijs valido. A base di esey a bay over na detencion. E no tin rijbewijs mes. A pidi dogcatcher pa asina hibe warda. E auto a keda para eybanda mes unda a stop e chauffeur.

Diariamente tin accidente riba caminda cu autonan envolvi y chauffeurnan sin rijbewijs. Tin biaha polis no ta detene pero ta duna multa. Otronan sin cumpliendo cu ley ta bay over na detencion. Kier manda un mensahe cu core auto sin rijbewijs ta castigable.