Awe mainta y durante henter siman pasa, e ekipo special di recherchenan di Atracoteam a tene diferente entrada hudicial, entre otro na dos cas den e bario di Parkietenbos y na Nuñe. E sospechosonan cu a detene ta di inicialnan:Y.M.Z.L., W.J.V.R., J.C.F.A., R.A.B.E., A.M.M.M., A.G.R.R.E.
Edad di e 6 sospechosonan ta varia entre 22 pa 36 aña y tur ta di nacionalidad Venezolano.Durante un di e entradanan hudicial a confisca un revolver.
Cu e detencionnan aki polis a soluciona 4 caso di atraco pareu, cu a tuma luga den lunanan di Mei, September y November.
Mirando cu nan tawata planeando un otro atraco, no por a risca y Ministerio Publico a opta pa duna ordo pa detene e sospechosonan aki mesora. Taconsidera e sospechosonan deteni sumamente peligroso y ta pesey a haci uzo di e team di aresto y otro departamentonan special di Cuerpo Policial durante nan detencion. No ta descarta cu mas detencion lo cay.
Pa Cuerpo Policial por resolve mas caso, ta importante pa por depende completamente di cooperacion di pueblo di Aruba. Ta pidi pa, si acaso bo tin cualkier informacion relaciona cu un crimen cu a of lo tuma luga, yama na e tiplijn: 11141. Tur informacion ta keda confidencial y no ta necesario pa identifica bo mes tampoco.
