Polis activo cu varios investigacion y accion relaciona cu diferente caso, entre otro riba taxi pirata cu ta popular y lantando cabes mas y mas. Cu esaki a drenta informacion cu tin indicacion di dicho actividad den area di Noord, caminda taxi pirata ta pasa busca hende pa hiba nan trabou.
Cu e informacion aki a bay na controla un vehiculo patras di Perle d’Or cu tabata sospechoso. Aki a bin topa cu un persona cu tabata den proceso pa drecha un auto. A cuminsa cu control y a bin resulta cu e persona aki ta di otro nacionalidad pero cu paspoort Hulandes. Ta keda cu indicacion si cu e ta un persona sospechoso.
A descubri sierto cantidad di pilder, marijuana y cocaina den su poder. Den su defensa el a informa cu e pildernan lo ta pa dolor di cabes, relaciona cu un accidente den pasado. A detene na sitio y transporte pa warda di polis. Adicional e sospechoso a firma y distancia su mes di e vehiculo en cuestion y asina investigacion a continua. Mientrastanto e ta deteni.
