Diadomingo pa mas o menos 3:00am a sosode un accidente na altura di Cas Casuela na Tanki Leendert. Chauffeur di un auto marca Nissan modelo Fuga color blauw cu number A-63086 bayendo direccion rotonde Tanki Leendert a dal duro patras di un auto Toyota Avencis color shinishi cu number A-3666.

Un herido, un detencion y 4 auto envolvi den accidente diadomingo marduga na Tanki Leendert

Posted by 24ora on Sunday, May 6, 2018

E impacto tabata asina fuerte cu un total di 4 auto tabata envolvi den e accidente, pasobra ora e dos autonan a dal den otro, ambos a bay dal den un otro auto staciona dilanti e club nocturno.

A resulta cu e chauffeur femenino di e Nissan Fuga tabata burachi y a supla over di e limite di alcohol, pa cual a detene na e sitio du desgracia. E auto tabata na benta y pa casualidad ayera a cumpr’e y awe a dal’e sin cu a sigur’e!

Chauffeur femenino di e Toyota Avencis cu a reverse sali for di Cas Casuela, a resulta herida, pa cual a solicita un ambulance pa transport’e pa Hospital.

E Nissan Fuga a keda total loss y mester a pidi takelwagen pa bay cu e auto. E dos otro autonan victima di e accidente aki tabata un Nissan Sentra A22997 y un Toyota Lexus Es 350.

Mester menciona cu 2 di e autonan envolvi den e accidente tabata “For Sale”, di cual 1 a haya doño nobo ayera!

Comments

comments