Pasa di 4or y 15 diadomingo atardi, bisiñanan na Gasparito a tende un golpi duro. Ora el a bay wak pafo a topa cu un Tercel cora pega riba e barancanan banda di caminda. Mesora a yama warda di polis y avisa cu nan ta bezig ta kitando e plachi number di e auto.
Rapidamente un patruya di polis a yega na e sitio aki ta atende cu e homber cu a dal riba e barancanan. Polis a atende y e homber ta conta polis cu el a sali for di casino y tabata bou influencia di alcohol. Polis a papia cune y el a bira agresivo contra polis. Mesora a detene e homber y a pidi presencia di transportwagen pa asina transporta e homber pa warda di Shaba.
