A detene atracador na Airport y Weg Rooi Congo

E Atraco Team ta sigui cu nan investigacion pa pone man riba atracadornan. Dos detencion a cay pa atraconan cometi. A detene un persona sospecha di diferente atraco dialuna merdia. Tur esaki en conecion cu un investigación unda a detene na aeropuerto e homber di nacionalidad Venezolano di inicialnan R.D.F.

E investigacion y detencion no a caya solamente na airport dialuna merdia. Diamars marduga otro detenion mas cay relaciona cu mesun investigacion. A haci entrada hudicial na un cas na Weg Rooi Congo caminda a detene e homber P.W.S. di nacionalidad Venezolano pero di origen Chines.

Segun Polis e personananan deteni ta wordo sospecha di diferente atraco den e luna di January. Ta trata di atraconan cometi entre otro na Sero Blanco y ex Rondweg cu awe ta Caya Papa Juan Pablo.

No ta descarta mas detencion den e proximo dianan relaciona cu e mesun investigacion.
Pa Cuerpo Policial por resolve mas caso, e coperacion di pueblo di Aruba ta hopi importante. Pesey ta pidi pueblo pa duna informacion via tiplijn di Polis 11141. Bo ta yama y laga bo mensahe. Esaki ta un mensahe cu ta keda anonimo. Ban hunto elimina criminalnan for di caminda.