A destrui porta di botica den intento pa horta

Probablemente ta adictonan ambulante, ta esnan cu diadomingo den oranan di madruga a trata di horta den e boticia den centro di Oranjestad.

Diadomingo madruga a drenta informe di un intento di kiebro na Botica del Pueblo, mesora a dirigi un patruya di districto na e sitio. Na yegada di e patruya nan a haya informacion cu un persona a tira un piedra grandi riba e porta di e botica den caya principal di Oranjestad.

El a logra causa daño, pero e no por a sigui den su intento pa drenta paden y horta, ya cu un persona den Caya G.F. “Betico” Croes a grit’e y e sospechoso a core bay. Aunke e no a logra drenta pero tog a comete daño na e establecimento.