Awe Pos Aruba N.V. a cuminsa reparti e carch’i votonan (oproepkaarten) pa e proximo eleccion cu lo tuma luga dia 25 di juni proximo.
Ta un proceso cu sigur ta uno basta extenso. Ya den un articulo anterior, director di Censo, Sharin Luydens a duna un splicacion di e proceso di imprenta y tambe e cantidad di carchinan cu nan a laga print y tambe con Aruba lo ta reparti, pa asina Post Aruba NV por haci e partimento di e carchinan uno mas eficiente y rapido.
Ramoncito Croes, director di Post Aruba N.V. a splica cu Aruba ta parti den 31 pa 32 diferente seccion. Mayoria di e seccionnan aki a sali awe. Ta sigur cu pa final di dia lo a completa mas cu 60% di entrega di e carchinan.
E ta sigui splica cu tin dos pa tres dia pa entrega e carchinan y ta sigur cu pa mañan, diahuebs, lo tin mas cu 90% entrega.
E deadline pa entrega di e carchi ta dia 17 di juni. Pa mas detaye lesa matutino TREMPAN.
