A cuminsa laga reporteronan den libertad

Awetardi Landsrecherche a laga Maritza Lacle y Ross Tromp di Aruba Native y Solo di Pueblo bek den libertad. A detene nan diamars mainta, hunto cu nos colega Marko Espinoza, sospecha di lo tin radio di Polis. Den nos caso no a haya ningun radio di Polis, pero a opta toch pa wanta nos colega deteni. Riba e foto por admira nos coleganan bek na cas, den compania di Edmond Croes, propietario di Solo di Pueblo.

E investigacion ta continuando, di acuerdo cu Ministerio Publico. Ta acusa e trio aki di ladronicia, verduistering in dienstbetrekking y smeergeld. Ya cu no a haya ningun radio na 24ora.com, lo bira masha dificil pa prueba ladronicia y pio smeergeld. E ta zona ironico cu Polis ta acusa y laga cera miembronan di prensa pa radionan cu nan mes lo mester tin mas informacion riba nan.

E tres sospechosonan a splica e recherchenan cu ta hopi radio tin eyfo bou di miembronan di prensa. Pero Landsrecherche no a bishita e otronan ainda. Si acaso tin forma pa “track” e radionan, e ora dicon no ta haya tur e otronan anto? Un cos ta sigur, e caso aki na final lo no sali bon pa Cuerpo Policial Aruba.