Warda di polis na Balashi ta e warda caminda autonan confisca, sea pa motibo di un accidente, un infraccion den trafico of un investigacion policial, etc. ta wordo poni y lo keda investigacion.
Loke a tuma nota ta, cu ya pa un aña of casi un aña, polis no ta confiscando auto facilmente. Mester ta realmente algo hopi serio pa e auto yega riba nan tereno confisca.
Loke a pasa ta, cu e luga ta yen di auto. Autonan kisas di varios aña.
Autonan recien cu a wordo confisca y nunca mas e doño a busca drechi di nan auto. Na dado momento a cuminsa pone auto riba otro. E luga a yena. A cuminsa stuwa auto pafo, strobando henter a zona di parkeo pa e polisnan hasta cu mester bin traha.
A cuminsa cu plan con pa bay haci, pasobra pa motibo cu tur warda, no solamente esun na Balashi, ta yen di auto confisca y no por haci nada cu nan y no ta deshaci di nan tampoco, pasobra mester tene cuenta di ken e auto ta, cuanto tempo e tin, un registracion fatal di tur auto cu tin eyden. No tin registracion drechi. Awo a dicidi cu ta bay over na actua y distrui e autonan aki.
Ya caba a cuminsa e trabaonan a cuminsa riba diamars. Hopi auto a bay caba. Algun shen auto ta para den e cura. Algun ta banda di otro, algun gestappel riba otro. Y e motibo di e limpiesa aki ta tambe pa polis cuminsa actua riba otro autonan y un proceso nobo registra drechi pa asina por yega y duna un lapso di tempo pa bin busca bo auto. Sino ta tuma accion contra e auto cu ta den e cura. Autonan cu ta haya accidente riba caya, no tin seguro, autonan ta core sin number paga. Yen di accidente riba caya cu autonan sin seguro. E cosnan aki ta pone cu hasta ora tin accidente, polisnan no ta bay cu e auto. Ta laga e auto sigui bay cu auto, pasobra no tin caminda pa pone e auto. Awo si por mira accion. Alto comisario di polis, Andrew Hoo, ta sigui e desaroyo aki, hunto cu esnan cu ta responsabel pa e departamento di trafico na Balashi.
Nan ta den e accion aki y ta polisnan mes ta bezig cu ekiponan paden, pa asina evita gasto y deshaci di e autonan cu pa algun aña caba, ta para y ta strobando cu polis por tuma accion y confisca un cantidad di auto mas riba caya cu no tin documento y cu ta ocasiona desgracia y no ta sigura, cu consecuencia cu abo cu si ta cumpli cu regla, ta haya bo mes ta saca placa for di bo saco cu pa motibo di esun cu a dal den bo, no tin papel.
Polis ta bay cuminsa cu un registracion completo di e autonan cu wordo confisca y na momento cu nan mester sa di ken e auto ta, facilmente ta yega na e doño. E autonan eyden, cada dia tin cu paga un multa. Tin auto cu tin para eyden cu bal mas cu e auto, mirando tanto tempo cu tin eyden y si multiplik’e pa dia, na multa cu tin cu paga. Hopi di e hendenan no por paga pa e auto pa sak’e for di warda. P’esey hunto cu Ministerio Publico mester tin un proceso pa deshaci di e autonan aki, distrui nan, cu despues di un tempo, e doño no ta interesa mas pa busca drechi di e auto.
