A confisca vehiculo posiblemente envolvi den un Hit and Run na Jan Flemming

2501

Diaranson marduga un grupo a organisa un fiesta na un cas den Jan Flemming na Santa Cruz. Banda di 5:00am un di e invitadonan na e fiesta a dicidi di bay cas, pero prome a causa daño na un vehiculo staciona na e cas.

Enbes di baha y para responsabel pa su acto, e chauffeur a dicidi di sigui core y bandona sitio, esaki ta locual testigonan a duna di conoce, pues un “hit and run”. Esunnan na e fiesta sinembargo sa unda e persona ta staciona su vehiculo y mesora a pone Polis na altura. 

Durante oranan di merdia, polis a presenta na dicho adres cu porcierto ta situa tambe den e mesun bario di Jan Flemming. A bin encontra e auto para bou di un palo sin number di auto. Aki polis a bay inspecciona e vehiculo pa daño pa asina constata si enberdad e auto aki tabata envolvi den e hit and run di marduga mientras a confronta e doño di e auto.

A confisca vehiculo posiblemente envolvi den un Hit and Run na Jan Flemming

Posted by 24ora on Wednesday, May 27, 2020

E doño di auto a nenga rotundamente cu e of su auto tabata envolvi den ningun hit and run. Polis a opta pa confisca e vehiculo y a laga takelwagen presenta na sitio y transport’e pa Warda di Polis na Balashi.