Un rato pasa Corte a dicta sentencia contra cuater acusado gara cu casi 30 kilo di droga, despues cu nan a tuma e mercancia over riba lama. A gara e grupo aki na october ultimo, despues di a tuma cargamento di cocaina y hennep riba lama grandi. A bay nan cas y a bin topa cu e droga.
Ta trata Jiao Maduro, Rudolf “Panama” Maduro, Jan Maduro y Robert Epiayu. A haya nan tur culpabel di ta meta den negoshi di importacion ilegal di droga.
Jiao Phil Maduro so a haya culpabel di complicidad. Pa esaki el a haya 24 luna di cual 6 luna ta condicional y 2 aña di prueba.E trio a haya cada un 42 luna di prizon, cu ta ekivalente na tres aña y mey di castigo.
E boto, motor, GPS system y celular a keda confisca.
Pa e relato completo, lesa e edicion di TREMPAN di mañan.