A cera tur tres hoben cu a maltrata adicto na San Nicolas

E video cu tanto a hala atencion e siman aki riba rednan social, esta di e tres muchanan cu ta maltrata un adicto cu un pida palo of hero, a causa hopi consternacion den comunidad. No solamente pa e forma con a haci’e, pero pa nan curashi di grab’e riba video y publik’e tur caminda tambe, haciendo comosifuera cu ta gran cos nan a haci. Desde ayera tur tres ta encarcela pendiente un investigacion penal awor contra nan.

Locual a sosode ta cu recientemente e trio a bay busca e adicto ambulante, Donald Moises Geerman y a maltrat’e cu un arma. E hobennan a graba nan hazaña y a comparti’e riba red social.

Ta investigando caso di hobennan cu a maltrata un adicto ambulante

Ta investigando caso di hobennan cu a maltrata un adicto ambulante. Click e link pa mas https://24ora.news/2lZYwKV

Posted by 24ora on Wednesday, September 4, 2019

Polis a mira e video y riba ordo di Fiscal di Ministerio Publico a sali pa busca e tres mucha hombernan aki cu a resulta di ta D. Jones di 12 aña di edad y ta bayendo un scol basico den 6de klas. Tambe a detene A. Lints di 13 aña di edad y ta bayendo EPB Santa Cruz. E di tres sospechoso ta N. Wouters di 12 aña di edad, kende ta den 5de klas di scol basico y ta primo di A. Lints. Polis mes a haya dos di e sospechosonan mientras cu un di nan a yega cu su mayor na Warda di Polis pa entrega su mes.

Mañan e trio lo mester presenta dilanti Fiscal y despues Hues Comisario pa verifica si nan lo sigui cera of ta laga nan den libertad condicional. Hecho ta cu e acto cu nan a comete ta di adulto y como tal Husticia awor ta tratando nan comosifuera nan ta adulto tambe. Di otro banda Hues hopi biaha ta tene cuenta cu aspectonan personal, den e caso aki tur tres ta bayendo scol y un detencion asina lo tin impacto riba nan educacion.