Ayera nochi diferente unidad di “Task Force bedrijven” consistiendo di KPA y DWH a subi caya pa intensiva e control necesario relaciona cu maneho di e brote di Covid-19 na Aruba. Banda di a constata cu ainda tin hopi hende iresponsabel pa cu nan propio salud y pa cu salud di nan famia, tambe a cera establecimiento y duna multa na algun.
Luganan cu a cera ta entre otro Yen Yen Bar & Restaurant unda a bin constata durante control mas cu 10 hende sinta na mesa. Tambe na e rumshop di Chaly na Sero Patrishi a bin constata hendenan trahando den bar y cushina sin permiso di DVG (greencard).
Luganan cu a haya multa ta entre otro La Oficina na Tanki Flip unda a bin constata cu nan empleado no ta uza tapa boca (mondkapje). Tambe Cas di Casuela, Well Well Bar Restaurant ySouthbeach a haya multa pa ta habri despues di 11:00pm.
“Task Force” lo sigui controla intensivamente durante siman, weekend, di dia y anochi. Esun cu no ta cumpli pa yuda Aruba reduci e cantidad di casonan di Covid-19 ta core e risico di haya un multa of wordo cera.
