Diadomingo marduga habitantenan den e bario di Moko, Catiri y Tanki Leendert a spierta di holor di huma, procedente di e dump na Moko. Bomberonan cu a yega na e sitio a opta pa no combati’e y lag’e kima bay den e buraco, pasobra e no tabata forma mucho peliger na casnan den vecindario. Doño di e tereno a splica cu ta sushi seco di construccion tabata kimando.
Riba red social a insinua cu e sushi lo ta procedente di EcoTech, locual no ta berdad. E proceso di tapamento di e buraco na Moko ta parti den dos y EcoTech ta uza e otro banda, segun empleadonan na e sitio.
