A batisa uniform nobo di Brazil Hawks AA Baseball Team

Diahuebs anochi a tuma luga bautismo di e uniform nobo di Brazil Hawks AA Baseball Team, bao di presidencia di Booshi Wever.

E ta sumamente contento cu e uniform nobo cu a keda estrena, despues di hopi aña cu nan tabata hunga bao di Brazil Ceres. Aunke tabata dificil pa haya sponsor, Wever, a papia cu su yiu homber y yiu muhe, como tambe un sobrino cu tin un laboratorio, pa nan hunto sponsor e team aki y a logra.

A batisa uniform nobo di Brazil Hawks AA Baseball Team

A batisa uniform nobo di Brazil Hawks AA Baseball Team
https://24ora.tv/2LLkahM

Posted by 24ora on Sunday, July 28, 2019

 

Hendenan cu ta traha den mundo di salubridad publico, ta aporta bek na e comunidad. Den e caso aki, cu uniform y algun material. Ta spera cu riba veld, nan trece e bataya y bay cu e titulo di AA e aña aki.

Segun Wever, no ta facil. E ekipo tin 39 aña di existencia. Hopi hoben a pasa den nan man. E tarea ta uno boluntario y pa saca e muchanan for di unda cu nan ta y esunnan cu no ta den problema, yuda nan crece. Esey ta e meta di cualkier organisacion. Y e organisacion aki sigur sigur

E organisacion no ta double A so. Nan ta bezig ta lantando bek. Hopi hende no sa, pero Xander Bogaerts tabata hunga cu nan den e serie hubenil y tambe algun wega AA. Ainda tin mas prospecto cu pronto lo tende di nan. Den e caso aki ta papia di Patrick Didier, kende tambe ta fruto di e team. Cosnan asina ta yuda baseball, den e caso aki sigur sigur e team di p’ariba di brug.

Esaki tambe ta habri caminda cu comerciantenan por duna aporte na mundo di baseball. Wever ta spera cu e aporte duna ta laga otro hendenan bira consciente cu no solamente e placa cu ta kita di belasting ta importante, pero kico ta aporta na comunidad. Bo ta gana placa cu e comunidad, door di cumpra fo’i bo, y ta momento cu por duna algo bek. Brazil Hawks no tin solamente double A, nan tin pa esnan mas chikito tambe y cu aporte asina por yuda nan hopi bon, Wever a comenta.

Dr. Gido Wever kende ta dentista, ta un di nan cu a aporta na Brazil Hawks AA baseball team. El a comenta cu ta jammer cu na Aruba, e comerciantenan no kier aporta den e deporte. El a lanta den e team y el a hay’e obliga pa duna un aporte den e deporte cu el a lanta aden tambe. Ademas e ta den e bario. Esey a dun’e e motivacion pa yuda e ekipo.

Esaki sigur ta habri pa comerciantenan eyfo pa nan inverti den deporte.

Hopi comerciante ta inverti den cosnan innecesario, den festivalnan, etc. Por ta nan ta haya ganashi, pero mester inverti mas den deporte, segun Wever.