Diabierna merdia a pidi presencia di Polis pura na e beach banda di Costa Linda. A drenta informacion cu tin accidente cu waverunner.
Un persona herida e yega tera y otro herida ta benta den lama basta leu for di tera. Polis na yegada a topa cu basta turista na tera mirando direccion di lama. Polis a cuminsa chek pa informacion. A resulta cu tabata un pareha cu a haya problema. Un di nan a cay for di waverunner y e otro a cuminsa grita pa auxilio.
Asina a bati alarma for di tera. A prepara Polis Maritimo pa sali cu boto. Finalmente esaki no tabata necesario. E pareha mes a logra subi waverunner bek y bay tera caminda a huur e machine. Asina tur cos a normaliza. No tabata manera a pinte na prome instante. No tabata tin hende herida.
