Un dama a yega su cas y pidi presencia di ambulance. Esaki a sosode na Sjabururi alrededor di 2:00 pm ora un dama tabata confronta dolornan fuerte cu tabata rekeri di asistencia.
Local a compronde cu e persona aki lo tabata envolvi den un accidente mas trempan pero chauffeur di e auto a opta pa bandona sitio. E auto, un Honda Fit, tabatin daño na e windshield parti patras cu a kibra completo ora el a bay dal den un pal’i luz.
E accidente no a tuma luga eynan pero na un mini market otro sitio.
Na momento cu a presenta na Shabururi e dama ainda tabata sinta den auto, banda di pasahero y visiblemente den hopi dolor. Yegando su cas e dama a cuminsa sinti dolornan fuerte cu tabata intensifica mas y mas.
Ambulance a presenta y a transporta e victima pa Hospital pa asistencia medico.
