E campañador di Otmar Oduber cu ta Michael Carty a wordo previligia cu un salario di casi 10 mil florin na DIP. Ademas di esey el a haya un cantidad di beneficio cu ta mas cu e director mes. Asina Otmar Oduber a premia Michael Carty prome cu el a bandona su gobernacion.
E salario halto y tur beneficio regala na Michael Carty no a dura masha. E director di DIP a drecha of adapta y baha e salario astronomico cu Michael Carty a haya fixed pa Otmar Oduber.
E salario halto y tur cosnan extra ta algo cu trahadornan realmente prepara trahando na DIP no tin. Y nan ta trahando mas aña cu Michael Carty cu a drenta riba instruccion di Otmar.
Michael Carty su trabou mas pisa den Cocolishi tabata core trece awa pa e minister si e tosa durante conferencia. Drenta DIP cu salario halto y sin fin di beneficio no ta e unico cos. Prome cu Otmar Oduber a bay a yuda tambe pa Michael Carty haya un kiosco den Carnival Village. Logicamente e no por haya e kiosco riba su nomber trahando na DIP. Pesey mes el a bay pone riba nomber di su suegra.
Dia cu mester a firma mescos cu e otronan cu tambe a haya kiosco, ata Michael Carty mes a firma den nomber di e suegra. Ora cu esnan responsabel pa maneho di DIP a mira loke Michael Carty a haci. Nan a hale aden y mustre cu esaki no por. E no por firma un contrato riba nomber di otro hende. Segun el a splica e no por a haya e suegra y pesey a dicidi di firma riba su nomber. Awe ta e mesun Michael Carty ta esun cu ta maneha e Kiosco den Carnival Village. Asina por mira con Otmar prome cu el a bay a fix su campañadornan cu diferente cos.
Segun informacion den Cocolishi, Otmar Oduber tabata tin dos campañador trahando riba payroll di su ministerio y nunca nan a presenta na trabou. Ambos minister Marisol Tromp a manda cas. E consehero legal di Otmar tambe a bay traha cu Dangui Oduber. Un otro consehero tambe a ser movi pasobra Marisol Tromp mester hende di dje mes y di confiansa.
E consehero ey tambe Otmar a logra pusha den Ministerio di Dangui Oduber. Awendia tin yen di hende pasando hamber faltando cuminda y tambe placa, pero pa un grupo cu no ta produci ta regalanan pocisionnan y beneficionan asina halto.
