Despues di e incidente den fin di siman pasa na veld di Riverplate, a pone man na obra pa asina haya e veld liber bek pa training.
Durante un encuentro amistoso entre Riverplate cu un team di San Nicolas, un poste di lus pa iluminacion di e veld a bin abou. Danki Dios ningun hende a keda herida. Mesora esnan encarga a mira con lo atende cu e problema pa asina haya e veld bek den funcion sikiera den dia.
Pesey a pone ekipo y personal pa cuminsa cu e trabounan di baha tur palo di lus. E base di e palonan di lus no ta bon. E motibo ta falta di mantencion. Probablemente lo traha cu e fondonan cu drenta pa pone veld usable den oranan di anochi tambe bek.
