Atraco arma riba Wan Shing Minimarket

Diadomingo anochi pa ser exacto 9:06pm a sosode un atraco arma. Pa 9:35pm e doño di Wan Shing Minimarket situa na Washington, na Noord, a yama Polis tur spanta. El a splica cu un rato prome un homber a bula tras di toonbank cu machete y pasa man pa un boter di mangel yena cu placa larga. E ta kere cu tin alrededor 300 Florin aden.

E prome unidad cu a yega na e sitio a topa cu e Chines spanta ainda. El a spanta asina hopi cu e no por a yama Polis mesora. Despues di 30 minuut el a bati alarma.

Polisnan a mira e imgennan di e camara di siguridad. Asina a bin saca afo cu ta un homber cu parce un rato prome tabata den e negoshi. E doño di Minimarket a splica cu e atracador ta papia Papiamento y parce ta biba na Pam Beach no masha leu di e establecimento. Despues di mira e imagennan a saca afo cu e atracador tabatin jeans largo color blanco bisti, mascarada blanco, flanel manga largo color preto.

Tambe a mira cu e tabatin un keds marca Nike color blauw cla y e Nike su marca roos. E parce un sapato cu spike di futbol. E motibo cu e parce cliente tambe, ta pasobra el a bula bay stret riba e boter yena cu placa. El a bin di nort y a bay bek nort despues di e atraco. Polis tin nomber di e atracador arma y lo no dura mucho pa nan detene pasobra hasta su adres nan tin.