Diadomingo marduga alrededor di 1:45am a pidi Polis pa brinda asistencia na un homber victima di maltrato serio. Polis a yega dilanti Grand Ocean Supermarket na Bushiri y ey a topa un homber cu un herida serio na su pols. Ambulance a presenta pa brinda asistencia na e victima.
Na e sitio el a conta Polisnan cu e tabata canando riba acera ora cu diripiente un auto marca Hyundai, modelo Accent, color shinishi, a para banda di dje y dos homber a baha. Un di nan tabatin un machete den man y a cuminsa zwaai e machete riba dje.
Den e lucha, e homber a corte na su pols drechi cu e arma aki. A transport’e pa Hospital pa ricibi tratamento medico.
Entretanto a cuminsa un investigacion na e sitio caba pa por identifica e dos hombernan envolvi den e maltrato pisa cu arma.
