A asesina hoben di 31 aña na Rooi Bosal

Diabierna pa mas o menos 11:30pm a yega Hospital un hende homber cu un tiro na pecho. Dokter a purba tur forma pa reanima e victima pero lamentablemente pa 12:23am Dr. Hiwat a constata morto di E.R.T. naci dia 20 di November 1986 na Aruba.

Recherche a cuminsa investiga mesora pa saca afo kico exactamente a pasa. E asesinato a tuma luga na un cas na Rooi Bosal. Un famia a transporta e victima den auto particular pa Hospital.

Fiscal a laga tuma e curpa den beslag. E caso ta bao investigacion. Cuerpo Policial ta expresa palabra di condolencia na famia di e fayecido.