Candela intencional den Ser’i Janchi

Diahuebs alrededor di 10:10PM habitabtenan di Ser’i Janchi a haya holo fuerte di huma den nan cas. Mesora a bay pafo pa mira kico ta pasando y a topa cu un candela hopi grandi di mondi serca di Hofi Seri Janchi.

A resulta cu intencionalmente a pega un cero di palet na candela, cu na un dado momento a cuminsa forma un menasa pa e casnan den vecindario.

Brandweer a combati e candela pa e no haci ningun daño na e habitantenan den cercania. Despues di basta rato Bomberonan a logra paga e candela y asina evita cu el a sigui expande.