Rotary Club Aruba, pa conmemora 75 aña di trabou boluntario na Aruba, a compila un seleccion di articulo y potret pa yega na un bunita publicacion.
E buki ta dedica na comunidad di Aruba. Miembronan di Rotary Club Aruba a regala biblioteca cinco ehemplar. A entrega esaki na directora, sra. Astrid Britten pa e coleccion nacional. Rotary Club Aruba a cuminsa su actividadnan na Aruba na aña 1938. Desde e aña ey miembronan ta traha pa cuminsa y sostene desaroyonan positivo den comunidad. Na 2013 miembronan a celebra 75 aña di existencia. E meta di e boluntarionan ta pa sirbi comunidad. E actividad mas conoci ta e Fiesta Rotaria caminda ta haci un fundraising grandi pa por financia proyecto. Y tin mas actividad pa recauda fondo durante aña. Di 1938 pa 2016 Rotary Club Aruba a conoce 78 presidente. Den e publicacion tin entrevista cu algun di e presidentenan e nan experencia. Personanan interesa den historia y actividadnan di Rotary Club Aruba por consulta e publicacion na biblioteca na Playa, tambe sucursal San Nicolas y Dept. Arubiana.
