70% di studiantenan di Maria College MAVO a gradua den prome tanda

Diaranson atardi e alumnonan di Maria College MAVO a ricibi nan resultado di examen. Segun Angeline Rosenstand, directora di Maria College MAVO a splica,  nan a prepara pa e atardi special aki, y tambe pa e alumnonan tin mas dia p’asina nan tin mas tempo pa prepara pa e segundo periodo.

Den e prome tanda, Maria College tin 70% cu a gradua. Aña pasa a cuminsa riba 68%. Tin cu bisa si cu por spera pa yega e aña aki riba 80%. Ta haya cu e muchanan a haci nan best. Tin e muchanan cu pa solamente un decimo di punto, no a logra e prome tanda. Di esey tin mas of menos 15 cu ta bay gradua siguramente den e di dos tanda.

 

70% di studiantenan di Maria College MAVO a gradua den prome tanda

70% di studiantenan di Maria College MAVO a gradua den prome tanda. Click link pa mas https://24ora.tv/2IdDhxS

Posted by 24ora on Thursday, June 13, 2019

Pakket

Natuur & Techniek ta e pakete cu mas ta resalta. Rosenstand ta contento pa anuncia cu despues di hopi aña Maria College, pa e siguiente aña escolar, tin un CKV pakket. Pa hopi aña no ta cera un grupo cu ta existente pa ley pa por duna CKV den 4de klas. Manera cu por a mira ultimamente, tabata tin CKV dag, unda cu e muchanan tin hopi habilidad artistico. E scol ta hopi contento cu pa otro aña e materia CKV, cual ta e materia di arte ta wordo duna den 4de klas.

Ultimo palabra

Dialuna, diamars y diaranson awo, e muchanan mester haci nan herexamen. E directora di scol ta felicita esnan cu a slaag. E ta conseha nan pa bay pa un mehoracion di nan pakete. Si nan a haya un 6, pa mehora esaki pa un 7. Y pa esnan cu no a gradua, cu tin e di dos chens, haci boso maximoe esfuerso.  Diaranson a duna tur buki pa e muchanan cu tin cu haci her, pa nan pasa door di nan.