58 alumno di Scol Primario Kudawecha a traha nan verkeersexamen

Un total di 58 mucha di Scol Primario Kudawecha a traha nan verkeersexamen, cu a tuma luga diahuebs, 16 di Mei. Juffrouw Sharlene Hart di klas 5A, a splica cu e muchanan ta hayando verkeersles for di klas 2.

E lesnan ta opbouwend. Loke nan haya den 5de klas, ya parti di dje, nan a haya den otro klasnan caba. Loke mas ta bin extra ta e verkeerssituatie. Loke e muchanan ta gusta mas si, ta e verkeerssituatie y esey tin cu enfoca riba dje mas tambe. Nan ta haya toets di rapport 1 y 2 y desde rapport 2 ta cuminsa prepara nan e ora pa e examen cual ta dia 16 di Mei.
Na Maart nan ta caba y despues ta preparanan e ora te medio Mei.

 

Juffrouw Sharlene a splica cu aña pasa e resultadonan a bay hopi bon. Por cuminsa wak e resultadonan caba di e examen door di e toetsnan. Segun cu ta wak un mucha haya onvoldoende pa un toets, ta motiv’e pa asina e bay siña mas hopi, yude asina cu su examen.
Ta haya importante pa siña e muchanan riba trafico, pasobra e muchanan cu ta maak mee cu esey riba caya. Tin mucha ta bin scol na pia y den auto tambe.

Nan ta wak esaki cu nan mayornan. Trafico ta parti di bida y no por laga esaki afo. Un cos si, nan ta puntra hopi, pasobra e lesnan tambe ta dedica hopi riba bicicleta. Tin mucha ta puntra dicon Aruba no tin fietspad manera Hulanda. E muchanan ta conciente y esey ta hopi bon. A splica e muchanan cu e lesnan ta un tiki enfoca riba Hulanda.