520 Home Sweet Home Decor & More a celebra nan prome aña cu varios cumpleañero

623

E compania 520 Home Sweet Home Decor & More situa na Dakota ta den pleno celebracion di nan prome aña di existencia. Nan ta situa na ex Antilliaanse Handel y ex Kooyman. Pa e motibo aki a dicidi di haci e celebracion uno special. No solamente nan a celebra nan prome aña di existencia pero a dicidi di celebra esaki cu un grupo di persona kende ta celebra tambe nan fecha di nacemento awe.

Den cuadro di nan prome aña di existencia a dicidi pa cuminsa un campaña. Nan a duna 5 premio cualnan ta certificadonan di regalo na balor di: 520, 400, 300, 250 y 175 florin. Cu cada compra di Afl. 25,- e cliente ta ricibi un ticket pa yena y participa. Ticketnan a wordo deposita den un tombola y a saca e ganadonan awo. Ademas, tabatin 20 regalito pa e prome 20 personanan cu registra na Customer Service Desk cu nan fecha natal ta 20 di Mei. (Sin discriminacion di Edad of Sexo) Registracion mester a sosode personalmente y mester a presenta cu un documento di identificacion.

520 Home Sweet Home Decor & More ta saca premio y celebra cu ganadonan

Posted by 24ora on Wednesday, May 20, 2020

Pa kiko nos nomber ta 520 Home Sweet Home Décor & More? Y pa kiko e number 520? 520, ora wordo pronuncia na Chines (wǔ’èrlíng), e ta zona similar na e frase homofonico ‘I love you’ (wǒ ài nǐ). P’esey, e number 520 (五二零) ta representa ‘I love you’ (我爱你). E fecha 20 di Mei, skirbi den number 5.20, ta un fecha extremadamente significativo cu henter China ta celebra amor y tambe expresa nan amor pa otro. Home Sweet Home Décor & More su sistema ta pa laga cada cliente sinti su mes na cas y pa ofrece un variacion amplio di producto di bon calidad y e miho servicio posibel!

Dia 20 di Mei tambe ta un fecha hopi importante pa Melissa y Alex Feng kendenan ta propietarionan di 520 Home Sweet Home Décor & More. Nan yiunan a nace dia 20 di Mei y tambe 520 Home Sweet Home Decor & More a habri su porta nan pa Aruba dia 20 Mei, 2019. E ganadonan tabata: Yvonne Quandus di Boegoeroei (175 florin); Michael Wever di Papilon (250 florin gift certificate); Jessica Anthony Sabana Grandi (300 florin); Vanessa Wever Mispelstraat (40) y e premio grandi di 520 florin pa haci compras eynan ta:  Hernando Angel Tromp Scopapelstraat.

Despues di a saca premio, a sigui celebracion cu un grupo di persona kendenan tambe a haci aña awe. 520 Home Sweet Home Décor & More kier a gradici e pueblo di Aruba pa e acogida y e support y tambe kier a gradici su fiel clientenan pa e confiansa deposita den nan negoshi.