Diabierna awo dia 22 di Februari 2019, alumnonan di Colegio Laura Wernet-Paskel na Kadushi Largo ta celebra nan Carnaval pa di su 40 aña, cu un parada conhuntamente cu participantenan di varios muchanan di scolnan di bario di Santa Cruz.
E parada lo sali 5’30or di atardi for di parkeerplaats di Colegio Laura Wernet Paskel. Esaki ta bira na e crusada di Sero Compa y Kadushi Largo bai pariba direccion Angochi y ta lora despues pa termina riba e veld di Sportboys Club.
Tur aña muchanan di diferente scolnan di cuido, preparatorio y scolnan basico ta participa na nos parada di Carnaval.
E aña aki e siguiente scolnan lo participa na e parada. Nan ta Curason Contento Speelschool cu e tema ‘Baby Shark, Dupi Dupi speelschool cu e tema 25 Aña di di Dupy Dupy Speelschool, scol básico Maria School cu e tema Hi-5 Its’ party time y Colegio San Hose cu e tema Flower Power y De Schakel Basisschool cu su tema Neon Fantasy. Di antemano nos ta gradici e scolnan cu ta yuda engrandese nos parada.
Colegio Laura Wernet-Paskel tin como tema e aña aki ’40 Years Celebration of Colors.
Un y tur ta keda cordialmente invita pa bin apoya nos muchanan y presencia e grandioso parada di nos muchanan di Santa Cruz.
