20 aña Fundacion Telefon pa Hubentud Aruba

Tin motibo suficiente pa celebra. E aña aki ta un aña grandi pa loke ta trata Derecho di Mucha. 20 di november ta dia nacional y internacional di Derecho di mucha, e Convenio di Derecho di Mucha ta cumpli 30 aňa di excistencia y Fundacion Telefon pa Hubentud Aruba ta celebra cu 20 aňa pasa e prome mucha a tuma contacto cu e number 131 pa prome biaha.

Fundacion Telefon pa Hubentud Aruba for di inicio a opera basa ariba e Convenio di Derecho di Mucha. Segun articulo 1 di e Convenio di Derecho di Mucha, tur persona te cu 17 aňa ta un mucha. Articulo 12 y 13 di e Convenio di Derecho di Mucha ta mustra ariba e importancia pa e mucha tin un opinion y pa e por expresa esaki.

Tawata un grupo di persona cu coraje y motivacion cu for di e tempo ey a mira cu door di diferente motibo, tawata tin muchanan na Aruba ta yega cas despues di ora di scol y no tawata tin ningun persona pa nan por papia cune. Ariba 20 di november 2019 tawata e prome biaha cu un mucha a yama e number 131 y expresa su mes. Pa 20 aňa largo a scucha mas di 45.000 mucha y hoben via telefon, email y chat, y a duna informacion preventivo na no menos cu 85.000 persona.

Fundacion Telefon pa Hubentud Aruba Semper tawata e aliado di mayornan den educación di nan yiunan. Prevencion di Termentono na Scol, Violencia no ta Bon, Seksualidad, Met praten kom je verder, Esaki ta bo Derechonan, Sport Gedragscode y Best Dad Ever, ta algun di tur e proyectonan cu den e 20 aňa nan aki a ser desaroya y duna na nos mucha, hoben, mayor y profesionalnan.

Bayendo bek na e raíznan di Fundacion Telefon pa Hubentud Aruba, ariba diaranson 20 di november lo duna e hoben di Aruba e oportunidad pa durante Pro / Contra expresa nan mes. Pro / Contra, un debate caminda e hoben ta bay expresa su opinion ariba normanan y decicionnan cu e tin cu bai carga den futuro.

Cu miras ariba futuro, cu un equipo di cinco miembro di hunta, 35 mentor voluntario y dos personal, Fundacion Telefon pa Hubentud Aruba ta cla pa sigui duna e muchanan y hobennan di Aruba e oportunidad pa sigui expresa nan mes.
Danki Aruba, Danki Telefon pa Hubentud!