Dos cas den Fiyostraat a ricibi bishita hudicial

Arestatieteam, hunto cu recherche y mas instancia, a haci entrada hudicial na dos cas den Fiyostraat. Hopi activo e team di recherche ta pa asina poco poco piki tur esnan cu ta comete fechoria. E biaha aki a toca turno na e viviendanan den Fiyostraat na Dakota, caminda cu arestatieteam a coy 6 persona masculino, cual 4 ta Latino y dos Arubiano. Bon trabou di parti di cuerpo di recherche y arestatieteam pa asina combati criminalidad riba nos isla. Esaki ta delitonan pisa. A base di esaki ta bay tras di esnan responsabel. Mirando cu tin uso di arma den e delitonan cometi, automaticamente arestatie team ta cay aden pa haci e detencion den oranan inespera.