Desayuno
Probablemente bo a scucha esaki di bo mayornan tempo bo tabata mucha “Desayuno ta e cuminda di mas importante di dia!” Awor, abo ta esun cu ta bisa esaki na bo yiunan, cu ta insisti “mi no tin hamber!” mientras cu abo ta preparando tur hende mainta pa bay scol y trabou. Berdad e por ta un reto pa lanta, baña, bisti e mucha(nan) pa bay scol. Ademas come. Pero e ta importante pa purba.
Prepara mayoria cos e anochi anterior, por ehempel, corta fruta, traha un sandwhich y pone den frigidaire. Hasta por drecha e mesa caba.
Lanta e muchanan 10 minuut mas trempan.
Laga e muchanan yuda planea y prepara desayuno.
Check alternativanan facil “grab-and- go” ora bo no tin muchu tempo pa come, por ehempel, (fruta fresco, caha chikito di cereal, cereal bars of yoghurt)
Papa avena ta facil pa prepara y saludabel.
Si bo yiu no tin hamber mainta trempan, lag’e hiba desayuno cu e por come den auto, bus of net prome cu scol cuminsa.
Si e no kier come, lag’e bebe un glas di lechi of juice (100% juice) prome cu e Sali for di cas.
Muchanan cu desayuna tin mas energia y ta funciona miho na scol. Si bo yiu no desayuna, e por bira, inkieto y sintie cansa. Pues, tuma tempo pa haci esaki, pa asina abo y e muchanan cuminsa e dia yen di energia!
Preparacion pa cambio di scol of klas
E ta un situacion nobo, e mucha mester custumbra cu ambiente, custumbernan y reglanan nobo. Kico un mayor por haci?
Conta e mucha storia di bay scol pa prome biaha
Siñe su nomber
Pone su number di contacto den su tas
Siñe expresa su mes y pa e ta independiente
Stimul’e pa haya confiansa den su mes
Splik’e di e exigencia y reglanan di e scol
Cont’e y pasa dilanti e scol
Puntr’e con e ta sinti y si e ta contento cu e cambio
Yud’e custrumbra cu e cambio
Papia cu bo yiu
Contesta su preguntanan
Lag’e hiba algo cu ta dun’e consolacion (peluche, potret di famia)
Mantene e contacto cu su maestra (o)
Papia na un manera cu e ta bira cursio di su scol
Bis’e di e materianan (vak) nan nobo cu e ta bay haya
Si e mucha bira emocional e prome dia, papia cu n’e na un manera cariñoso
Loke no mester haci:
No spanta e mucha
No busk’e laat na scol
