Wardacosta ta keda patruya di dia y anochi y ta pone tur su unidadnan disponibel pa garantisa seguridad den awanan teritorial di Aruba, Corsou y Boneiro. Pero pa por logra miho exito den nan trabou di combati criminalidad, trafico di hende y droga, ta necesario pa por conta cu sosten y informacion di comunidad. 

E biahe for di Venezuela pa e islanan ABC ta masha peligroso; laman ta bruto, e lanchanan mayoria biaha no ta ekipa pa haci un biahe asina y ta hiba demasiado persona abordo di un forma iresponsabel y sin material di seguridad apropia. Esaki ta trece cune un riesgo enorme pa esunnan abordo.

Wardacosta ta suplica tur persona cu mira algo sospechoso riba laman of na costa, pa yama e number 913 mesora. Barconan riba laman tambe por alcansa Wardacosta su Centro di Rescate y Coordinacion via e radio VHF 16 na momento cu detecta algo sospechoso of peligroso riba laman. Cu yudansa di comunidad y otronan nos por yuda tene e islanan mas sigur.

Comments

comments